【明報專訊】康文署會喺8月5日(周日)舉行「全民運動日2018」，活動將以「日日運動半個鐘 健康快樂人輕鬆」做口號，提醒大家每日運動能夠強身健體，可保持心情愉快。當然，活動重點係當日康文署指定場地舉辦多項免費康體活動，仲會開放大部分康樂設施畀市民免費使用。 康文署多個場地當日免費，訂場者可以?7月29日(星期日)上晝9時起，喺康文署各區場地嘅「康體通」訂場櫃枱預訂。詳情可以瀏覽www.lcsd.gov.hk/tc/sfad。 市民亦可以?7月16日(星期一)上晝8時半起，去到康文署各分區康樂事務辦事處或指定場地報名參加免費康體活動，先到先得。 免費康體活動包括健康講座及運動示範、親子體育活動、體育同樂活動、殘疾人士活動，以及「足毽示範及同樂」等。
|
| |
| |
;)
