抗議戴耀廷 民建聯向黨友議員遞信
[2018.04.14] 發表
【明報專訊】民建聯一班區議員噚日就港大法律學者戴耀廷有關「香港可考慮獨立成國」嘅言論到立法會示威區請願，要求立法會跟進，仲要譴責、打擊任何鼓吹港獨行為。民建聯成員植潔鈴(右一)讀出聲明，嗌口號「強烈譴責戴耀廷港獨言論、反對鼓吹港獨、反對分裂國家」，仲將請願信交畀黨友議員陳克勤(右二)同到場支持嘅自由黨邵家輝(右三)。
唔少人批評建制派同政府譴責戴耀廷係打壓言論自由，民建聯區議員楊學明強調該黨請願唔係要限制言論自由，但之後一度講咗「我哋由始至終都無講過要『維護』言論自由、學術自由」。
更多港聞
相關新聞
