東蓮覺苑 楊侯古廟 九龍佑寧堂 刊憲列古蹟
[2017.10.14] 發表
【明報專訊】政府噚日刊憲，將3幢建築列為法定古蹟，分別係跑馬地東蓮覺苑、油麻地九龍佑寧堂同埋大澳楊侯古廟，Emily知道呢3幢建築來頭都唔細，東蓮覺苑係1935年落成嘅佛寺，由佛教徒何張靜蓉同佢老公何東爵士一齊建立，用西方嘅建築結構糅合傳統中式設計、建築細部同裝飾，好似飛檐、琉璃瓦頂等。
佑寧堂遭日軍改做馬廄
至於倫敦傳道會興建嘅九龍佑寧堂，喺1931年揭幕，日佔時期畀日軍改做馬廄，遭到大肆搜掠，戰後1947年先再重新對外開放。
大澳楊侯古廟遠一啲，有一個歷史久遠嘅鐵鐘，喺清代康熙38年(即1699年)鑄造，相信古廟喺嗰年或者之前興建，令古廟成為大澳歷史最悠久嘅廟宇之一，古廟亦因為同大澳嘅端午「龍舟遊涌」關係密切而聞名。
更多港聞
【明報專訊】海洋公園過去一直都有送出福利機構團體票畀有需要嘅社群，不過今年突然唔畀喺7、8月暑假期間使用。社福界立法會議員邵家臻話，8月上旬...
詳情
相關新聞
