東華選區多一人報名
[2017.10.14] 發表
【明報專訊】中西區山頂、東華兩個區議會選區，將於11月26日舉行補選，原本兩個區都一度陷入混戰狀態，隨住新民黨主席葉劉淑儀宣布棄選山頂、中西區關注組嘅羅雅寧宣布棄選東華後，形勢變得比較明朗。不過，東華選區噚日就再有多一個人報名參選，佢係報稱獨立候選人、職位係行政主任嘅劉舒燕，連同早前已報名嘅民主黨伍凱欣，同埋新會商會學校校長呂錦強，目前共有3人報名，形成兩女鬥一男局面。
劉舒燕雖然報稱獨立，但佢曾經係工黨成員，喺2015年參選九龍城馬坑涌選區，參選之後退黨，當時佢只攞到100幾票，而同區嘅民協黎廣偉就以不足100票之微險勝。
至於山頂選區方面，至今就只得自由黨成員、教育局前政治助理楊哲安報咗名。據聞屬泛民陣營嘅錢志健會喺下星期一，即係提名期嘅最後一日報名參選。
更多港聞
【明報專訊】海洋公園過去一直都有送出福利機構團體票畀有需要嘅社群，不過今年突然唔畀喺7、8月暑假期間使用。社福界立法會議員邵家臻話，8月上旬...
詳情
相關新聞
