【明報專訊】康文署今年3月推出「文博義工計劃」，招募市民加入義工行列，至今有600名新人加入，連同博物館原有義工，整個團隊有880人，陣容鼎盛。唔少市民鍾意去博物館，政府新聞網訪問�魖鉹中@名退休公務員義工郭仲傑，佢話全港19間博物館都去過，去外國都會去博物館，觀賞展品之餘仲學到好多知識。郭仲傑加入義工行列後，被編配到康文署旗下�鼣晡姚]，派傳單同管理人流，學以致用，好有滿足感。

至於另一名義工李才良，同樣係退休人士，佢每星期到歷史博物館協助修復文物，近期參與復修「二十四史」史冊破損書頁。李才良本身喜愛歷史，加入義工團隊後既可寓「工作」於娛樂，又可以學到化學知識，對復修文物工作愈來愈感興趣。

康文署市場及業務拓展總監毛詠仙話，義工來自社群，本身係觀眾，知道觀眾需要，有如博物館和社群之間�嚝蘛晼A向館方反映觀眾意見，令博物館更貼地。毛詠仙又話，以往不同博物館舉辦活動均招募義工，難免較零散，「文博義工計劃」正好加以整合。新團隊具備規模，各博物館、辦事處、藝術空間均可借調義工，靈活運用，更能貼近社群需要。