景賢里開放日周六日派飛
[2017.08.28] 發表
【明報專訊】位於港島司徒拔道嘅法定古蹟景賢里，喺9月同10月舉行4日公眾開放日，市民除咗可以參加導賞團，仲可以睇到前業主借出嘅古董家具、景賢里紀錄片同展品，主辦單位希望市民可以了解多啲景賢里嘅建築特色同歷史。
公眾可於9月2日同3日(周六、日)喺香港文物探知館、香港公園茶具文物館或香港文化博物館拎入場券。主辦單位將派發14,400張，每人限取其中一節參觀時段最多4張入場券，先到先得。派唔晒嘅就會喺9月4日起於文物探知館繼續派。
公眾開放日於9月23、24日同10月21、22日舉行，每日有4節參觀時段﹕上晝9點半至11點、上晝11點至下晝12點半、下晝兩點至3點半、下晝3點半至5點。位於司徒拔道45號嘅景賢里係一座有80年歷史嘅嶺南大宅 ，糅合中西方建築特色。上次公眾開放日已經係兩年前，有興趣市民今次要把握機會喇。
更多港聞
【明報專訊】香港保護兒童會對「公共遊樂場與兒童發展」做研究，請咗3 個本地大學生設計問卷訪問家長，結果發現四成半港童一個月去唔夠4次公園，逾...
詳情
相關新聞
