四成半港童 一個月去唔到4次公園
[2017.08.28] 發表
【明報專訊】香港保護兒童會對「公共遊樂場與兒童發展」做研究，請咗3 個本地大學生設計問卷訪問家長，結果發現四成半港童一個月去唔夠4次公園，逾六成家長仲話，每次帶仔女去公園玩，平均玩唔夠1個鐘就走。
香港保護兒童會6至7月間訪問咗202名帶住2至12歲細路嘅家長。調查發現，即使喺暑假黃金期，本地家長帶仔女去公園玩嘅次數偏少，逗留時間短，唔夠兩成細路一星期可以去兩次公園玩。Emily想起細個每日放學喺公園玩到滿頭大汗不知幾開心，今時唔同往日，𠵱家或者好多細路覺得玩平板電腦開心啲。
調查又顯示，無論平日定假日，超過七成細路都係媽媽帶去玩，反映爸爸陪伴仔女玩戶外活動嘅角色較薄弱。香港保護兒童會總幹事蔡蘇淑賢話，港爸港媽對玩樂可以促進兒童發展欠缺認識，政府除咗提供公共遊樂設施外，都要教育家長，令佢哋明白「玩」嘅重要。
更多港聞
相關新聞
