【明報專訊】市民遇到火燭或者有人傷亡嘅意外，當然會即刻打999報警求助，不過Emily留意到，警方喺今年頭半年收到嘅999求助個案中，唔少係打錯或者滋擾電話。警方資料顯示，今年頭半年，各總區指揮及控制中心合共聽咗1,047,103個來電，喺呢百萬個來電中，只有約69.5萬個，即大約66％係真正需要處理嘅求助電話，其餘約35.2萬個來電屬滋擾性質或打錯嘅。
警方話，濫用999緊急熱線不單影響警方處理緊急事故嘅效率，仲可能延誤咗真正有需要嘅市民求助，令到佢哋生命安全受威脅。其實遇到非緊急情况，唔一定要即時打999求助，警方話各個警署可以好快處理大部分非緊急案件同求助個案，市民有需要時可以直接向警署求助。
;)
