慶回歸 鄭耀棠搞機械人真人羽球賽
[2017.04.26] 發表
【明報專訊】今年係香港回歸20周年，政府隆重其事籌備咗多場活動，每年慶回歸都有自發搞活動嘅香港各界慶典籌備委員會，今年同樣唔執輸，會搞搞新意思。慶委會成員之一嘅工聯會榮譽會長鄭耀棠透露，今年自己負責創新科技呢瓣，正密鑼緊鼓搞緊個機械人大戰真人嘅羽毛球比賽。
至於搵咩對手挑戰機械人，有花生友提議，候任特首林鄭月娥聽聞打羽毛球都有兩手，話唔定可以互相切磋一下，棠哥聽到都大笑有得諗，一定有噱頭。
佢又話自己前排到大灣區考察時得到啟發，發現佛山機械人發展好先進，畀佢哋嘅機械人舞獅吸引咗，仲打算到時攞番對擺喺活動場地門口贈興。至於仲想知民間慶委會有咩大搞作，棠哥就賣個關子話下個月就會開記者會正式宣布，叫大家畀啲耐性，拭目以待。
更多港聞
有小學允家長揀是否考BCA 教局：整體學生考能令數據有代表性
【明報專訊】小三BCA（基本能力評估研究計劃、即「改良版TSA」）下周四開考，香港革新教育家長同盟指出，有葛量洪校友會黃埔學校的家長校董在校... 詳情
【明報專訊】教育人員專業操守議會修訂《香港教育專業守則及實務指引》（下稱守則），遭教協批評違反教師言論及衣著自由等，新一屆操守議會成員選舉早...
詳情
相關新聞
