袁國強「駁」林鄭5人入閘論
「可能未必可以」
[2015.04.27] 發表
【明報專訊】喺人大8?31「三閘」下，政改方案都無咩驚喜。政務司長林鄭月娥上星期三公布政改方案時，就大力宣傳降低「入閘」門檻至120人呢個「賣點」，仲話降低門檻後，確保最少可以5人「入閘」，其後被市民質疑呢個說法有誤導，林太最終亦要「澄清」只係講數學上嘅講法。噚日律政司長袁國強亦話，唔應該話「最少可以5人」入閘。
政府建議將提名委員會「入閘」門檻降低至120人，上限240人。理論上，1200人提委會可以提名最多10人出閘，不過係咪可以確保至少有5人出閘呢？袁國強噚日接受商台訪問時就好小心咁「反駁」林鄭，認為「最正確」嘅講法「可能未必可以」咁講，因為如果只得3個人報名選特首，自然亦只得3人成功入閘，所以最好都係話最多10個人入閘。
更多港聞
【明報專訊】發動中大學生會退出學聯的中大本土學社及中大學生會退聯關注組，共同呈交873份支持發起退聯公投的聯署，但經中大學生會代表會點算後，...
詳情
相關新聞
