【明報專訊】「佔領中環」行動呢期搞一啲輕鬆短片宣傳普選，今次粉墨登場係公民黨陳淑莊(Tanya)同佔中發起人戴耀廷。Tanya喺短片中化身2017年普選港姐冠軍，佢又將自己當年落選港姐嘅瘀事攞嚟自嘲，話嗰時年少無知參選港姐，結果好快被人篩走，所以篩選係唔好嘅。 輕鬆短片宣傳佔中 短片一開始佢就話，2017年香港小姐普選冠軍係陳淑莊，頭戴桂冠嘅Tanya開心若狂，大拍手掌！戴耀廷化身士多老闆搭訕，話2017年咪有特首普選囉，Tanya就話「我今日講一個字畀你聽」，呢個字就係「篩」字。 「冠軍得票多過689」 Tanya自認對篩選好有經驗，原來因為係真人真事，事關佢當年選港姐，結果唔入圍，佢仲拎住個篩作狀扭下扭下，講解點樣被人篩出局！ Tanya講咁多，無非係想借港姐論特首選舉，佢話港姐雖然唔係真正普選產生，但冠軍都有17萬票，「多過你689呀」。佢又話，港姐唔代表香港，篩都唔重要，但選特首就唔同，會無端端唔發電視牌，所以「要揀就自己揀，起碼都可以少啲籮底橙呀」。
|
| |
| |
;){kind=small}
