【明報專訊】特首梁振英(CY)上任一年多以來民望麻麻，但論知名度呢，就毋庸置疑。港大民意研究計劃公布政治人物排名榜，CY蟬聯香港市民最熟悉嘅政治人物第一位，排第二同第三嘅分別係前特首曾蔭權、行會成員兼立法會議員葉劉淑儀。民研計劃總監鍾庭耀就提醒，知名度排名好高嘅政治人物唔一定係最受歡迎嘅政治人物。 董建華突飛猛進入十大 而久違嘅前特首董建華就「突飛猛進」，由第14位升到第6位。鍾庭耀分析，董先生重新上榜，可能係因為特首表現最近成為公眾話題。 港大民研喺11月4到7號，透過真實訪員以隨機抽樣方式以電話訪問1008人。鍾庭耀話，政治人物排名榜嘅作用，在於以該個政治人物喺市民心目中熟悉程度嘅起跌，顯示政治生態嘅改變。
|
| |
| |
