【明報專訊】《最佳女主角》訪問劉嘉玲前晚播出最後一集，嘉玲自爆有潔癖，在橫店拍電影時，她會將整個酒店的洗手間全部換上新的浴缸、洗手盆等，因她要求洗手間好乾淨。不過梁朝偉相反，有時會令她好𤷪𤺧。「偉仔一返來就瞓落牀，我就滿腦思考他沾了幾多塵入來，令我好難受。他就不會理，鞋、褲周圍放，我好羨慕他的自在，我就同自己過不去。他一直影響緊我，我適應緊他。我哋分開洗手間，我發覺近年他的洗手間愈來愈乾淨，可能潛意識都受我影響。」 「好細微反應已知有無事」 嘉玲指偉仔是一個偉大的演員，好投入演戲世界，初時她都不習慣為何變了另一個人，像他演《色．戒》時整個人好陰暗。「我要成就他，要將屋企打理得好好，等他無後顧之憂。有時屋企燈膽壞了，他就講﹕『劉嘉玲燈膽壞咗！』他只信我，只會叫我做。」面對偉仔緋聞會否呷醋？她說﹕「相處20多年，好細微反應已知有無事，只要不過分就OK，最好不要畀我知，他都好有分寸。」 文﹕娛樂組
|
| |
| |
