【Emily】葉太晨運跌親骨裂 新書熱賣加印
[2025.07.24] 發表
【明報專訊】一向勤做運動嘅新民黨主席葉劉淑儀，前日晨運時不慎跌倒骨裂，左手要打石膏。帶傷嘅葉太噚日如常到立法會開會，佢話雖然有不便，仍會繼續投入議會工作。
葉太前日去寶雲道晨運，路面濕滑跣腳跌倒，左手手腕落地，佢之後照去立法會開會，但手腕愈嚟愈痛，到醫院求診照X光先發現有輕微骨裂。佢引述醫生話無出現骨移位，但要打石膏，相信兩三個星期就可康復。Emily同一眾記者噚日都祝葉太早日痊癒，佢亦感謝大家關心慰問。其實葉太近期多次抱恙，今年初因為大髀生膿瘡需入院做手術，眼部亦曾發炎。
另外，葉太嘅新書《葉劉淑儀服務香港50年》大受歡迎，市民到書展搶購，近日已經售罄，葉太噚日宣布將會「火速加印」，話對於新書成績理想非常感動。不少市民買書都想一睹隨書附送嘅葉太相片集，佢就預告新版書將推出「革新版」相片集，換上另一批相片。
更多港聞
【明報專訊】漁護署上月起將內地進口貓狗嘅檢疫期縮短至30日，立法會選委界別議員林順潮建議，推出寵物免檢疫來港嘅7日簽證，鼓勵內地人帶寵物來港...
詳情
【Emily】緬地震救援隊體育園籌備組獲特首表揚
【明報專訊】第三輪「行政長官表揚榜」噚日舉行頒獎禮，獲獎隊伍係今年3月到緬甸地震災區救援嘅特區救援隊同啟德體育園開幕跨部門籌備專組，籌備專組... 詳情
【明報專訊】政府「發展旅遊熱點工作組」早前公布9項旅遊熱點，包括喺維園噴水池廣場同南亭廣場舉辦「維園市集」。康文署早前邀請有意參與團體出席噚...
詳情
【Emily】龍鳳胎大熊貓雕塑 長駐立法會大堂
【明報專訊】中旅集團製作兩個立法會特別版大熊貓雕塑，高1.5米，重近300磅，將長放立法會地下大堂，亦係參觀立會大樓必到之處。兩個「新成員」... 詳情相關新聞
