【Emily】康文搞維園市集 20團體赴簡介會
[2025.07.24] 發表
【明報專訊】政府「發展旅遊熱點工作組」早前公布9項旅遊熱點，包括喺維園噴水池廣場同南亭廣場舉辦「維園市集」。康文署早前邀請有意參與團體出席噚日嘅簡介會，會後有康文署人員同部分團體到噴水池廣場了解實際位置。Emily收到風，噚日有約20個團體出席，大部分係非政府組織同製作公司。有與會者同Emily講，會上只係簡介維園市集基本資料，未知幾時確認獲選做合作伙伴。
維園市集將喺12月中至明年11月，逢周六、日及公眾假期舉行，為期一年，設約30個攤位，營業時間由朝早10點至不超過晚上9點。工作組提出，建議全年不少於4個主題，可因應合作伙伴嘅建議同節慶安排靈活調節，而市集嘅活動需配合相關主題，可涵蓋獨特文創藝術服務、手工藝品和藝術作品攤位、工作坊、互動體驗、打卡點、現場表演或示範，同埋輕食飲品銷售等。
更多港聞
【Emily】龍鳳胎大熊貓雕塑 長駐立法會大堂
【明報專訊】中旅集團製作兩個立法會特別版大熊貓雕塑，高1.5米，重近300磅，將長放立法會地下大堂，亦係參觀立會大樓必到之處。兩個「新成員」... 詳情相關新聞
