【Emily】龍鳳胎大熊貓雕塑 長駐立法會大堂
[2025.07.24] 發表
【明報專訊】中旅集團製作兩個立法會特別版大熊貓雕塑，高1.5米，重近300磅，將長放立法會地下大堂，亦係參觀立會大樓必到之處。兩個「新成員」係港產龍鳳胎熊貓「加加」同「得得」，分別坐喺立法會招牌圓鼓上，家姐手持《議事規則》，細佬模擬議員喺會議廳外「咪兜」受訪，噚日由香港中旅集團總經理范雲軍(前左二)、立法會主席梁君彥(前右二)揭幕。
另有一隻拎住菠蘿包蛋撻嘅熊貓雕塑會喺大樓展出至10月底。梁君彥特別感謝兩名籌備同牽線嘅議員、香港中旅社董事長兼旅遊界議員姚柏良同民建聯副主席陳勇。
更多港聞
相關新聞
