【Emily】港鐵拒設性別專用車廂 林新強：做貓狗好過做人
[2025.07.10] 發表
【明報專訊】公共交通工具不時發生非禮案，法律界議員林新強噚日提出口頭質詢，關注港鐵會唔會考慮設立女士或男士專用車廂，保安局長鄧炳強就話港鐵評估後認為唔適宜，林追問時指出，港鐵喺輕鐵試行緊「貓狗同行」計劃，但就拒絕設立專用車廂，感嘆「做隻貓做隻狗好過做人」，認為港鐵可以先喺部分時段同路線試行。
鄧炳強話損效率 謝偉俊：日本都有
鄧炳強話，設置專用車廂會影響車站及月台嘅客流管理，而專營巴士因為車廂空間有限，設置專用區域會影響載客效率。選委界議員謝偉俊就話，好繁忙嘅日本鐵路都設立咗女性專用車廂，香港一樣做到。
副運物局長廖振新回應話，設立專用車廂並非世界主要鐵路系統嘅普遍做法，如果要試行，亦要評估非繁忙時段試推嘅數據係咪有效，亦要思考點樣避免其他衝突。
警方過去5年接獲發生喺公共交通工具、轉乘處或車站嘅性罪行個案，佔所有公共交通上嘅案件介乎約7%至21%；今年頭5個月有141宗相關案件，佔喺公共交通發生嘅案件約14%。
更多港聞
【Emily】Chiikawa輕鐵周六起程 拉麵店下月登陸
【明報專訊】日本人氣卡通Chiikawa（吉伊卡哇）近日喺香港掀起熱潮，動畫中嘅人氣拉麵店「郎」，下月中會喺香港開舖「Chiikawa Ra... 詳情
【明報專訊】立法會噚日討論港人肥胖問題，醫衛界林哲玄問政府會唔會引入「糖稅」，醫衛局長盧寵茂就話政府已經成立「降低食物中鹽和糖委員會」推動食...
詳情
出生率降 升小升中學生反增 校長：多專才來港惟難解困 議員倡全面開放招境外生
【明報專訊】本港出生率下降之際，中小學生人數不跌反升。教育局最新數據顯示截至2024年9月，全港中小學生人數按年增1%，是新冠疫情以來首次錄... 詳情
相關新聞
