【Emily】林健鋒：商界考慮下半年訪歐 話當地認為美國市場唔可靠 欲藉港攻內地
[2025.04.22] 發表
【明報專訊】中美關稅戰升溫，原定今個月訪美嘅香港總商會早前決定押後行程。總商會理事經民聯立法會議員林健鋒噚日話，要等情况穩定再決定幾時訪美，又透露商界考慮下半年出訪歐洲，話當地商界認為美國市場唔可靠，對於來港投資反應踴躍。
林健鋒噚日接受商台《在晴朗的一天出發》訪問，強調唔係取消訪美行程，亦無中斷與當地溝通，𠵱家繼續同美國商界以唔同渠道保持互動與了解。佢引述當地進口商同製造商話，喺關稅戰下大受打擊，部分廠商仍需要香港或內地製造嘅零件，憂慮供應鏈斷層同短缺。
至於幾時訪美，林健鋒話要等情况穩定先，亦正考慮下半年出訪歐洲，當地商界亦希望透過本港打入內地市場。佢話港商未必需要完全放棄美國市場，不過中長期必須開拓美國以外嘅市場，又話相信「東升西降」發生緊，提醒商界開拓東南亞、非洲、南美等新興市場時要了解各國購買力，重申本港最大市場仍然係內地。
更多港聞
【Emily】警隊po演習相 「爆肌」阿sir搶fo
【明報專訊】第15屆全運會沙灘排球項目測試賽周日喺維園完成，警方等部門噚日就喺維園嘅場地做重大事故及反恐演習。警方發放嘅演習相片入面，有一張... 詳情
【Emily】法治戲劇日 林定國張國鈞粉墨登場
【明報專訊】律政司喺2021年起推展「透過戲劇實踐法治」計劃，喺下周末「法治戲劇日」（5月3日及4日）喺香港文化中心大劇院公演互動戲劇作品《... 詳情
【Emily】兩張九巴舊椅 溯數十年「彩虹回憶」
【明報專訊】彩虹邨巴士總站啟用60周年，九巴噚日舉辦快閃活動「彩虹回憶」，將彩虹邨巴士總站嘅候車亭、站長室同舊茶水站重新髹油，重現1970年... 詳情
相關新聞
