【Emily】法治戲劇日 林定國張國鈞粉墨登場
[2025.04.22] 發表
【明報專訊】律政司喺2021年起推展「透過戲劇實踐法治」計劃，喺下周末「法治戲劇日」(5月3日及4日)喺香港文化中心大劇院公演互動戲劇作品《律政學院摘星大冒險》。律政司長林定國同副司長張國鈞都會演出。
林定國噚日喺facebook發帖話，參演學生將演繹誠實守信、互相尊重、平等無私、明法守法嘅精神，而其中意義唔止「得個講字」，更反映喺每日嘅選擇同行動入面，形容「演員在舞台上找答案，觀眾在生活中尋共鳴」，期待同公眾「一同踏上這段摘星之旅」。帖文另附一則影片，記錄林定國同張國鈞為作品拍攝宣傳片嗰陣頻頻講對白NG嘅幕後花絮。
據律政司上月向立法會提交嘅文件，《律政學院摘星大冒險》目標受眾為高小學生同家長，預計兩場表演可吸引約1500名嘉賓同觀眾。
更多港聞
【Emily】兩張九巴舊椅 溯數十年「彩虹回憶」
【明報專訊】彩虹邨巴士總站啟用60周年，九巴噚日舉辦快閃活動「彩虹回憶」，將彩虹邨巴士總站嘅候車亭、站長室同舊茶水站重新髹油，重現1970年... 詳情
相關新聞
