【Emily】設計營商周有意份 主題好奇心
[2025.02.13] 發表
【明報專訊】香港設計中心公布，今年底舉行嘅設計營商周(BODW)將同意大利合作，可以預期今年意大利設計界會同香港多啲交流。意大利駐港總領事Carmelo Ficarra話，今年以「好奇心」(curiosity)為主題。意大利著名設計師Michele De Lucchi專程來港出席同講好奇對設計嘅影響，佢噚日話最緊要有自由表達自己睇法，否則就做唔好設計。
過去兩年BODW分別同荷蘭、法國合作，中心主席嚴志明(Eric)喺噚日意大利設計日上公布，意大利今年為設計營商周伙伴國家，讚揚意大利設計傳統植根時裝、建築等，今次合作反映雙方共同推動設計同創意，12月嘅設計營商周會睇到更多意大利嘅設計。
總領事Carmelo話，呢個合作對推動意大利同香港雙邊合作好緊要，希望喺互相欣賞精神下，將最好嘅意大利設計師帶嚟香港，加強聯繫。
更多港聞
未知政府撥款調整幅度 稱不會削人手 葉玉如：辦醫學院經費龐 願付出
【明報專訊】面對財赤，政府早前明言可節約教育開支。科技大學校長葉玉如昨表示，有待當局公布具體資助經費調整幅度，又提到成立第三間醫學院需很多經... 詳情
【明報專訊】立法會昨首讀《2025年香港城市大學（修訂）條例草案》，當中提出將學生會長擔任當然校董改為由本科生互選產生本科生校董。
城...
詳情
相關新聞
