【Emily】4300童軍珠海大露營
[2024.12.25] 發表
【明報專訊】今年香港童軍大露營去咗珠海「淇澳．多巴岸海島度假營地」搞，4300多個來自內地、港澳同海外嘅青少年童軍及領袖會一齊度過5日4夜。大露營facebook專頁話，幼童軍、童軍、深資童軍同樂行童軍都可以喺活動中考取唔同獎章，包括幼童軍獎章、童軍探索獎章、深資童軍肩章等。
政制及內地事務局長曾國衞噚日出席開幕禮，形容大露營係香港童軍嘅盛事，希望童軍透過活動建立彼此嘅友誼，促進文化交流。佢又話大會精心安排參加者參觀珠海嘅大型企業、太空中心、橫琴粵澳深度合作區、傳統古村等，希望佢哋對大灣區發展、中華傳統文化有更深切了解。
今年大露營名為「同行未來——香港童軍大露營WE@FUTURE JAMBOREE」，參加者由前日開始至周五喺珠海露營，除咗希望營友體驗大露營樂趣，亦希望佢哋一齊探討、實踐素質訓練同可持續生活模式。
更多港聞
【Emily】「利迷」陳克勤收禮 獲高普球員簽名波衫
【明報專訊】民建聯主席陳克勤係資深「利迷」，今年佢就收到份窩心聖誕禮物，由遠在英國嘅好友送上一件2022年英格蘭足總盃決賽中，利物浦正選11... 詳情
【明報專訊】啟德體育園明年首季開幕，近月園內各場館陸續舉辦測試賽同演練，其中最多容納5萬人嘅主場館，終於迎來第一項測試活動，下月5日（星期日...
詳情
相關新聞
