【Emily】藍田站輪椅接駁車升級 載客2變4
[2024.12.24] 發表
【明報專訊】港鐵藍田站一直有免費無障礙接駁服務來往油塘站，𠵱家每次只可以接載最多兩名使用手動輪椅或使用電動輪椅嘅乘客，每名乘客可由一名同行者陪同。近日呢項服務就升級，將會由易達轎車變為港鐵無障礙接駁服務車輛，立法會議員鄧家彪同幾個觀塘區議員仲去咗試搭。
升級咗嘅免費無障礙接駁服務，載客量直接增加一倍，行走路線就無變，繼續都係由藍田站A同D1出入口，即啟田道同茜發道，來往油塘站B1出入口，即油麗邨。
新服務將會喺元旦開始，到時由可以接載最多兩名輪椅使用者，變為可以接載最多4名使用手動輪椅或使用電動輪椅嘅乘客，預計候車時間一般唔會多過30分鐘，有需要嘅乘客可以喺到達藍田站或油塘站後聯絡車站職員。
更多港聞
【Emily】修復麥徑出分力 漁署召喚山友運料上大帽山
【明報專訊】大家去行山，一定踏足過漁護署鋪設嘅山徑，但大家有無諗過可以出一分力，共同建設山徑？漁護署嘅「香港郊野公園」社交媒體專頁，噚日就公... 詳情
【Emily】私隱署聖誕防騙聚會 向長者講解deepfake
【明報專訊】聽日聖誕節，個人資料私隱專員公署嘅關愛義工隊趁住節日去到聖雅各福群會灣仔長者地區中心，為約200名長者舉行聖誕防騙聚會，送上禮物... 詳情
【明報專訊】由全國政協副主席梁振英（CY）喺2012年牽頭推動成立嘅齊心基金，近日喬遷之喜，由茘枝角進駐炮台山。基金上星期舉行開幕禮兼成立1...
詳情
相關新聞
