【Emily】齊心基金喬遷港島 CY籲做好「國際傳播」
[2024.12.24] 發表
【明報專訊】由全國政協副主席梁振英(CY)喺2012年牽頭推動成立嘅齊心基金，近日喬遷之喜，由茘枝角進駐炮台山。基金上星期舉行開幕禮兼成立12周年慶典，逾百友好出席慶賀。
作為主禮嘉賓嘅梁振英致辭話，中共二十屆三中全會指出要「加快構建多渠道、立體式對外傳播格局。加快構建中國話語和中國敘事體系，全面提升國際傳播效能」。佢認為香港喺對外傳播工作上有獨特嘅制度優勢、語言體系優勢同人才優勢，喺西方長期獨佔話語權下，香港有需要、有條件說好中國故事同「一國兩制」故事，進一步促進中外國際人文交流。佢希望齊心基金會秉承「敢於發聲，勇於創新」嘅精神，助力國家「做好國際傳播」的工作。
更多港聞
相關新聞
