【Emily】紅館寧丟空唔出租？ 何敬康羅淑佩隔空交鋒
[2024.12.18] 發表
【明報專訊】坊間提倡發展「演唱會經濟」，向來關注文體旅議題嘅新民黨議員何敬康(Adrian)，近日同上任唔夠兩周嘅文體旅局長羅淑佩隔空喺facebook「交流」，噚日Adrian仲連出兩帖「回應」局長。體演文出界議員霍啟剛夜晚都加入「討論」，話紅館係「兵家必爭之地」，反問難訂場「係咪就要歸咎政府部門？」
羅：場外靜悄悄 場內如火如茶
事源上周六(14日)Adrian到紅館考察後話當日「人影都無隻」，並引述多名歌手反映紅館檔期非常難攞，甚至經常否決被認為「唔賣座」歌手嘅申請。至於紅館農曆新年熱門檔期無演出，佢質疑寧願丟空場地都唔出租。羅淑佩周一(16日)晚出帖不點名隔空回應，話有時大家見到紅館外「看似靜悄悄」，但其實場內工人搭台、歌星踩台、全人類「full dress rehearsal」得如火如荼。
不過Adrian似乎「未收貨」，自上周六起最少連發5帖，包括噚晚引述紅館數據，截至上月有115個活動，質疑連同拆台搭台兼綵排，係咪算得上用好社會資源「值得思索」；而截至今年10月有163個申請未獲接納，對於紅館審批準則，佢話要留待「有關方面」進一步說明。
霍啟剛就上載紅館嘅租用日期表，舉例有歌手舉辦20場演唱會，中間安排休息及舞台技術調整，前後佔用一個月。佢擔心若強行加快流轉犧牲舞台安全，又相信啟德體育園開幕後，紅館檔期會鬆動啲。
更多港聞
【明報專訊】聖誕節就快到，港鐵噚日宣布周五（20日）起不同路線會因應時段加強列車服務，平安夜同除夕就會通宵行駛。周五至元旦期間，港島線同南港...
詳情
【Emily】經民聯12周年晚宴 李家超贈詠梅名句
【明報專訊】經民聯噚晚舉行成立12周年晚宴，唔少政商界嘉賓出席，主禮嘅特首李家超致辭時就提高聲調，引用詠梅名句「寶劍鋒從磨礪出，梅花香自苦寒... 詳情
【明報專訊】今年《施政報告》提出更新初中科學科課程，教育局昨日公布新課程框架諮詢稿。比對2017年課程框架，最新在「課程背景」增列「配合『科...
詳情
相關新聞
