【Emily】民建聯去工展會 買鮑魚食烤羊

[2024.12.18] 發表

【明報專訊】工展會噚日踏入第四日，民建聯一眾成員去咗捧場，同參展商及市民交流，仲忍唔住又食又買。議員顏汶羽試咗烤全羊，大讚好味，又買咗幾大袋零食返去同兩個仔分享。

民建聯主席陳克勤、副主席周浩鼎同葛珮帆、秘書長葉傲冬等人，噚日由廠商會會長盧金榮等人陪同行工展會，買咗罐頭鮑魚等產品，仲喺「美食廣場」試食烤羊，又了解咗寧夏枸杞產品等。

顏汶羽喺facebook話噚日閒日下晝場內已經迫到水泄不通，反映今年工展會人氣好旺，又話無論係日常用品定特色美食嘅攤位都大排長龍。佢話有幾個觀塘工商聯朋友擺檔，自己特別過去幫襯，支持本土品牌。

更多港聞

【明報專訊】聖誕節就快到，港鐵噚日宣布周五（20日）起不同路線會因應時段加強列車服務，平安夜同除夕就會通宵行駛。周五至元旦期間，港島線同南港... 詳情

【明報專訊】蛇年將至，香港郵政下個月5號會發售以「歲次乙巳」為題嘅賀歲生肖郵票同郵品，一套4枚郵票（圖）、兩張郵票小型張同相關集郵品均展示唔... 詳情

【明報專訊】經民聯噚晚舉行成立12周年晚宴，唔少政商界嘉賓出席，主禮嘅特首李家超致辭時就提高聲調，引用詠梅名句「寶劍鋒從磨礪出，梅花香自苦寒... 詳情

【明報專訊】今年《施政報告》提出更新初中科學科課程，教育局昨日公布新課程框架諮詢稿。比對2017年課程框架，最新在「課程背景」增列「配合『科... 詳情

【明報專訊】教育局昨推出初中科學科新課程框架諮詢稿。比對該科2017年課程文件，新框架保留不少課程原有內容，例如教授「人類生殖與遺傳」課題，... 詳情