【Emily】林定國官邸開聖誕P 同小朋友玩「大電視」
[2024.12.16] 發表
【明報專訊】聖誕節快到，律政司長林定國同太太Sheila前晚喺官邸搞聖誕派對，接待一班來自深水埗社區客廳嘅小朋友。林定國話大家玩各種遊戲，其中「大電視職業猜猜猜」係活動高潮所在，小朋友要輪流模仿律師、醫生、廚師等唔同職業，話佢哋嘅動作維肖維妙。小朋友又要將夢想畫喺畫紙上，有人想成為視藝老師、數學老師、YouTuber、太空人、田徑運動員、攀石運動員、畫家、警察，但唔見有人想做律師。林定國於是花唇舌介紹律師工作，話經過佢一番努力後吸引咗幾個小朋友「轉跑道」考慮將來做律師。
介紹律師職責 吸引小朋友「轉跑道」
林定國話，參與小朋友年齡介乎7至11歲，形容佢哋活潑好動，對官邸環境充滿好奇，仲主動發問，拋出各種有趣「抵死」嘅IQ題考大人，好彩絕大部分考題佢都答得到喎。勞福局長孫玉菡同太太Carmen都有參加派對，並為小朋友準備朱古力美食。
更多港聞
【Emily】青年節利東街時裝騷 新舊織出港文化
【明報專訊】噚日灣仔利東街街頭上演咗一場時裝騷，名為「Vintage Remix—與經典再造時裝騷」，由融HUB主辦，係香港青年節活動之一。... 詳情
【明報專訊】政府近月不時動員公務員為明年揭幕嘅啟德體育園做壓力測試，其中體育園啟德青年運動場聽日（17日）會舉行代號「慧光」嘅跨部門反恐演習...
詳情
免自資校收生不足殺校 恆大倡擴院校合作推雙學位
【明報專訊】政府明年將提交《專上學院條例》修例草案，教育局建議在學院註冊條件列明須取錄足夠學生。現時受條例規管的自資院校恒生大學，常務暨學術... 詳情相關新聞
