【Emily】狄志遠收陳國基信息 預早知落8號波時間
[2024.09.07] 發表
【明報專訊】超強颱風「摩羯」襲港期間，打工仔最關心應該係幾時落8號波，喺天文台公布消息前，社福界立法會議員狄志遠朝早上電台節目就透露，已收到政務司長陳國基嘅WhatsApp信息，話當日下晝1點前會落8號風球。狄志遠就話，政府係向議員交代工作，有少少「預告」，唔覺係正式發布。
前日亦收掛波預告 較市民所知更準
狄志遠噚日朝早喺商台節目《在晴朗的一天出發》話，陳國基都有交代因風暴受傷求診嘅人已出院，並無大礙。阿狄仲話，前日朝早9點幾亦收過司長私訊，話當日晏晝5點半到6點半會掛8號波。天文台當時嘅最新資訊都係預計4點至7點掛8號波，即係話狄志遠比一般市民更早收到風暴信息，時間範圍亦更準確。
阿狄話相信其他議員都收到信息，佢話呢種做法唔係好頻密，今年5月紅雨警告生效時，陳國基亦曾私訊佢講解各部門具體分工。
更多港聞
【Emily】李慧琼隨人代團訪少林 大讚文化旅遊結合典範
【明報專訊】全國人大代表專題視察組繼續河南行程，噚日一早佢哋去咗少林寺參觀，全國人大常委李慧琼形容少林寺係文化與旅遊相結合嘅成功範例，對推動... 詳情
【Emily】歐盟駐港辦新主任 盧效偉係單車友
【明報專訊】歐盟駐港澳辦事處主任定期輪換，新一任主任Harvey Rouse今個月上任，歐盟辦事處喺facebook公布佢嘅中文名叫「盧效偉... 詳情相關新聞
