【Emily】李慧琼隨人代團訪少林 大讚文化旅遊結合典範
[2024.09.07] 發表
【明報專訊】全國人大代表專題視察組繼續河南行程，噚日一早佢哋去咗少林寺參觀，全國人大常委李慧琼形容少林寺係文化與旅遊相結合嘅成功範例，對推動河南省嘅旅遊發展有重要意義。
李慧琼提到，少林寺係中國佛教嘅重要聖地，亦一直積極開展國際文化交流活動，少林功夫吸引無數外國人親身到來學習體驗。前一晚，一行人亦睇咗以少室山為背景嘅《禪宗少林》表演，李慧琼話表演融合咗音樂、舞蹈及武術，吸引大量國內外遊客，推動當地旅遊經濟，觀眾欣賞表演嘅同時，亦可深入了解少林文化嘅歷史同意義。
李慧琼認為少林寺嘅成功經驗說明，通過文化旅遊方式，唔止可以推動當地經濟，更可以向世界展現中華文化魅力，認為呢種文旅融合嘅模式值得香港學習，借助本地文化資源吸引更多國內外遊客。
更多港聞
【Emily】歐盟駐港辦新主任 盧效偉係單車友
【明報專訊】歐盟駐港澳辦事處主任定期輪換，新一任主任Harvey Rouse今個月上任，歐盟辦事處喺facebook公布佢嘅中文名叫「盧效偉... 詳情相關新聞
