【Emily】校史館揭戰前創意追女法 皇仁仔情信摺飛機擲鄰校庇理羅士
[2024.08.31] 發表
【明報專訊】教育局近日公布性教育教材引起爭議，社會關注點樣教育愛情觀，不過原來戰前嘅香港中學生追女仔方式已相當前衛。皇仁書院(QC)校史館噚日喺facebook分享一個1930年代學生嘅自傳，提到當時QC同庇理羅士女子中學(BPS)僅一街之隔，唔少QC男生將情信摺成紙飛機飛向鄰校追女仔。
惹對方校長登門投訴
書中提到，當時位於中環嘅QC同BPS只係相隔一條街，而QC地勢較高，一眾男生用頗有創意嘅方法追女仔，就係將情信摺成紙飛機飛向鄰校，部分甚至直接飛入課室。本書話此舉更引嚟BPS校長親自登門向QC校長投訴。
本身係QC舊生嘅立法會前議員梁繼昌亦有分享帖文，並暗諷教育局，話80幾年前嘅學生有心儀女生亦毋須相約打羽毛球，用紙飛機寫情書相當浪漫，仲讚賞係「發乎情，止乎禮」。
更多港聞
【Emily】新民黨區議員 倡再設小組傾長遠地區經濟
【明報專訊】各區議會今屆成立「提振地區經濟專責工作小組」，但踏入下半年多區「夜繽紛」活動驟減。新民黨噚日舉辦區議員茶敘，東區嘅郭浩景話目前小... 詳情
【Emily】下月赴加讀神學碩士 劉卓裕多謝荃灣街坊
【明報專訊】曾以「獨立民主派」身分參選立法會選舉嘅荃灣前區議員劉卓裕（圓圖），任期屆滿後久唔久上載喺美加嘅生活片段，噚日佢喺社交平台話，下個... 詳情
相關新聞
