【Emily】孫玉菡入明Teen團 孖譚志源離地合照

[2024.08.14] 發表

【明報專訊】「共創明Teen計劃」杭州學習團繼續訪問行程，勞福局長孫玉菡噚日都加入，仲同隨團嘅馬會事務執行總監譚志源喺「求是書院」牌坊前嘅空地，一齊「大字形」跳起合照，譚志源仲喺社交平台自嘲：「喂大佬！幾十歲人唔係玩呢啲吓嘩。」

政務司長陳國基噚日繼續隨團訪問，今日返港。佢噚日同學習團一齊參觀咗杭州國家版本館、中國(杭州)人工智能小鎮等，並與學員、友師交流，之後佢見傳媒時話，上年初辦「共創明Teen計劃」嘅學習團，辦咗5團，今年增加到18團，約有1000個名額，希望未來有更多企業資助，可以安排更多同類活動。

譚志源話噚日行程主題係歷史文化，其中一站係浙江音樂學院，佢同新下屬江旻憓都分別體驗咗敲「編鐘」等傳統敲擊樂器。

更多港聞

【明報專訊】巴黎奧運已經閉幕，唔少市民都有收睇港隊出戰嘅賽事，今屆政府同上次東京奧運一樣，買入巴黎奧運轉播權，康文署亦喺全港18區指定嘅體育... 詳情

【明報專訊】康文署今年6月至9月舉行首屆「中華文化節」，其中下月中會有寧波市演藝集團嘅舞劇《花木蘭》。呢套劇攞過中國舞蹈界最高殊榮「荷花獎」... 詳情