【Emily】康署體育館奧運直播 7萬人次入場
[2024.08.14] 發表
【明報專訊】巴黎奧運已經閉幕，唔少市民都有收睇港隊出戰嘅賽事，今屆政府同上次東京奧運一樣，買入巴黎奧運轉播權，康文署亦喺全港18區指定嘅體育館設「活力奧運觀賞站」播放賽事，上月27號開放到前日，每日朝8晚11。署方噚日公布觀賞站開放期間約有7萬人次入場觀賽。署方嘅觀賞站有18個，奧運為期16日，按此推算，平均每個站每日有243人次去過。
巴黎奧運結束後，緊接嘅殘奧賽事會喺當地時間本月28號至9月8號舉辦，政府亦有購入殘奧賽事嘅轉播權，康文署話亦會喺各區開放觀賞站畀市民觀賽，直至殘奧閉幕，不過具體開放時間同其他詳情就要稍後先公布。
更多港聞
【Emily】現代舞×武術 舞劇《花木蘭》下月來港
【明報專訊】康文署今年6月至9月舉行首屆「中華文化節」，其中下月中會有寧波市演藝集團嘅舞劇《花木蘭》。呢套劇攞過中國舞蹈界最高殊榮「荷花獎」... 詳情相關新聞
