【Emily】現代舞×武術 舞劇《花木蘭》下月來港
[2024.08.14] 發表
【明報專訊】康文署今年6月至9月舉行首屆「中華文化節」，其中下月中會有寧波市演藝集團嘅舞劇《花木蘭》。呢套劇攞過中國舞蹈界最高殊榮「荷花獎」嘅舞劇獎，自2017年首演至今，喺內地演出過百場，上年亦去過美國巡演。作品一大特點係融合咗舞蹈同武術，演員會用現代舞技巧重構武術動作嘅形態。
大家對《花木蘭》故事耳熟能詳，呢套舞劇用咗21節舞蹈篇章組成，有細膩婉約嘅《小夜曲》同《銅鏡曲》，亦有氣勢恢弘嘅《出征》同《最後的戰役》。音樂方面，就會以現代編曲手法重新整理中國傳統民間曲調，融合多種風格和類型嘅樂器。節目將喺9月14日(周六)及15日(周日)演出，即日起售票。
更多港聞
相關新聞
