【Emily】江旻憓退役 議員留言支持感謝
[2024.08.05] 發表
【明報專訊】人紅新聞多，「劍后」江旻憓(Vivian，圓圖)噚日宣布告別全職運動員，喺政界及網上又引起熱議。新民黨立法會議員何敬康除咗喺Vivian嘅facebook專頁留言表示「Forever support(永遠支持)」，仲喺自己社交媒體出長文，力撐近日捲入碩士論文風波嘅Vivian。何敬康話：「不應容許亂港分子借着江旻憓碩士論文一事肆無忌憚大搞分化，攻擊Vivian愛國愛港立場。」
Vivian喺北京人民大學碩士課程論文題為〈透過『佔中事件』反思香港特區選舉制度完善路徑〉，論文提及佔中違法、「愛國者治港」係完善一國兩制等論點。何敬康話，呢個時刻必須站出來，更加要保護呢位「香港之寶」，反駁無理指摘Vivian嘅不實言論，仲話如果有人涉嫌違法，就應轉介執法機構跟進。
論文風波 何敬康：反駁無理指摘
30歲嘅Vivian喺網上公布告別全職運動員生涯，民建聯立法會議員梁熙留言，感謝佢過去為體育界努力拼搏同辛勤付出。行政會議成員湯家驊就出帖感慨，話急流勇退談何容易，祝Vivian喺其他領域為國為己再顯風騷。
曾俊華問有份種樹老劍手包唔包我
酷愛劍術嘅前財政司長曾俊華就話，Vivian及港隊羽毛球手謝影雪克服傷患出賽唔容易，「作為一個前劍擊運動員，我對阿雪同Vivian嘅處境感同身受」。曾俊華話年輕時都傷過大腿後肌，要忍痛練習及作賽，「到依家，我定期都要搵醫師，幫我喺腳度拮番幾針㗎」，又自嘲「#有份種樹老劍手包唔包我」。
更多港聞
【Emily】全民運動日高官落場響應 特首與劍手鬥掟豆袋
【明報專訊】奧運熱潮持續，康文署噚日舉辦嘅「全民運動日2024」，以「日日運動半個鐘，健康快樂人輕鬆」為口號，免費開放轄下多項康樂設施畀市民... 詳情
【Emily】赴尼泊爾聯國組織實習 大學生賺咗勇氣
【明報專訊】「聯合國志願人員組織─香港大學生義工實習計劃」自2015年推出，中文大學文化及宗教研究系應屆畢業生羅曉婷上年透過計劃，獲甄選到聯... 詳情
【Emily】田二少加國度假 孫女助set頭 江玉歡遊西班牙 不忘關心港務
【明報專訊】唔少議員7至8月趁立法會休會去旅行，如實政圓桌議員田北辰（田二少）同家人去加拿大溫哥華度假，又湊吓孫女；選委界別議員江玉歡（Do... 詳情相關新聞
