【Emily】保護海港協會登報做民調 發展局去信斥內容「誤導」
[2024.08.03] 發表
【明報專訊】維港嘅填海項目受《保護海港條例》限制，政府舊年提出修例建議「拆牆鬆綁」。自1995年成立嘅保護海港協會噚日喺多份報章登廣告做民調，邀請市民回答3條問題，包括係咪支持政府進行更多大規模填海，例如策劃中嘅青洲填海計劃。不過，發展局噚晚喺facebook反駁，話已去信協會斥廣告內容誤導，「協會指政府正策劃在青洲作大規模填海，這完全是子虛烏有」。
局方指「策劃青洲大型填海」子虛烏有
現時維港內大型填海項目倡議人需做「凌駕性公眾需要」測試，以推翻「不可填海推定」嘅約束，而政府提出修例，包括賦權特首會同行政會議決定是否信納嘅權力，以及減省小型填海嘅相關測試程序。
協會喺廣告話，政府嘅建議係由「政府自行決定」大規模填海計劃係咪合法，而唔係由法院決定，違背普通法嘅法治同自然正義嘅基本原則。協會又問市民係咪支持將維港列為「國家之寶」保護，以及係咪支持由獨立法院，監察政府大規模填海計劃。
發展局就話，協會嘅論據「完全偏離事實」，因為現行條例都無條款要求法院審批填海項目，只係有人提司法覆核申請，法院先審理。局方又話，早前提出修例時做咗數月嘅公眾參與活動，普遍意見贊同或不持異議。
更多港聞
【Emily】加拿分道×加連威老道交界 第二個對角行人過路處啟用
【明報專訊】繼今年1月沙田設立全港首個「對角行人過路處」，噚日尖沙嘴加拿分道與加連威老道交界路口嘅對角行人過路處都已完工，即時啟用。大家之後... 詳情
【Emily】賀港將奪牌 工展購物節加碼派福袋
【明報專訊】工展會購物節噚日開幕，為慶祝港隊運動員喺巴黎奧運奪得4個獎牌，首日可免費入場，亦加碼派福袋。現場睇落人頭湧湧，有人帶埋購物「戰車... 詳情相關新聞
