【Emily】河套行車橋 新方式整塊橋面吊裝
[2024.07.25] 發表
【明報專訊】建築技術不斷創新，土木工程拓展署嘅落馬洲河套地區發展第一期，就應用「全跨度橋樑吊裝方法」建造行車天橋，將重400噸嘅天橋橋面，成條吊上橋墩裝嵌，署方話用新方法可提升工地安全，仲因為可以一次過吊運一段橋面，減少對橋底下道路使用者嘅影響。
提升工地安全 減道路影響
落馬洲河套地區發展第一期，包括興建連接道路ST01以接駁落馬洲路至粉嶺公路/新田公路。呢條道路及天橋，承建商採用新建築法，早前做橋面接駁工程時，請埋立法會議員劉國勳去參觀。
以往建築天橋嘅做法，工程人員會將每件預製組件吊上裝嵌，新方法係，先喺附近空地將多件預製組件砌成一段橋面，然後用遙控嘅「自行式模塊運輸車」，將一段橋面運行去工程點，再用巨型吊機將橋面吊起接駁。議員劉國勳話，工程人員手持三維掃描儀，結合建築信息模擬嚟優化設計和輔助施工流程，佢話期待日後可以有更多創新技術，應用於發展工程。
更多港聞
【明報專訊】香港民研噚日公布新一輪司長民望調查，政務司長陳國基同財政司長陳茂波7月嘅支持率淨值，較3月時上升，分別增7個百分點及9個百分點；...
詳情
【Emily】超強颱格美發威 天文台研今發1號波否
【明報專訊】受今年首個超強颱風「格美」嘅影響，噚日香港掛起酷熱天氣警告，沙田、黃竹坑及打鼓嶺等多區最高氣溫34℃度以上，喺小西灣海旁，有泳客... 詳情
相關新聞
