【Emily】支援長者照顧者 關愛隊擬全港推
[2024.07.22] 發表
【明報專訊】為期一年嘅關愛隊「支援長者及照顧者先導計劃」(下稱計劃)3月底推出，以荃灣同南區做試點，為獨老、雙老、護老者同殘疾人士照顧者等提供支援同跟進服務。社署話，會按實際運作情况檢討同改善計劃，仲透露考慮將計劃擴展至全港18區。
社署為兩區關愛隊提供義工探訪培訓，政府新聞網噚日刊出訪問，社署總社會工作主任(安老服務)曾秀芳話，跟進關愛同支援服務包括探訪、電話慰問、邀請參與活動，以及向服務對象介紹社區資源或轉介佢哋申請輪椅等，關愛隊亦會因應個案需要轉介個案到區內長者中心等。
70幾歲嘅姚生姚太係計劃受惠者。作為雙老家庭嘅一員，姚太憶述今年初某夜丈夫心臟病發，自己見住佢血壓急升後開始抽筋，「覺得我心裏都在『抽筋』」，亦令向來堅強嘅姚太意識到多一個人幫手嘅重要。後來佢遇上關愛隊街站並登記參加計劃，關愛隊就轉介佢哋參與平安鐘計劃，又幫忙維修煤氣爐等。兩個老友記都好感謝關愛隊幫忙。
更多港聞
【Emily】軍事夏令營結業禮 500學生展成果
【明報專訊】「第17屆香港青少年軍事夏令營」前日喺解放軍駐港部隊新圍軍營舉行結業禮。喺歌聲同升國旗儀式下，嚟自本地130幾間中學500幾個參... 詳情
【Emily】何永賢率團訪深珠 考察住房建屋技術
【明報專訊】房屋局長何永賢噚日率領房署團隊，聯同房委會訪問團等共16名立法會議員去珠海及深圳訪問，為期兩日。訪問團首站到訪珠海廣東海龍建築科... 詳情相關新聞
