【Emily】軍事夏令營結業禮 500學生展成果
[2024.07.22] 發表
【明報專訊】「第17屆香港青少年軍事夏令營」前日喺解放軍駐港部隊新圍軍營舉行結業禮。喺歌聲同升國旗儀式下，嚟自本地130幾間中學500幾個參與學生著住制服，畀嘉賓同家長睇吓佢哋過去一個禮拜訓練嘅成果。
今屆軍事夏令營為令學生可以加深對國防認識同祖國情懷，除咗體驗軍事體育訓練、單個軍人隊列動作、地圖使用同激光模擬對抗，佢哋仲參觀咗昂船洲駐港部隊展覽中心，睇咗《我和我的祖國》文藝表演。
特首李家超、中聯辦副主任盧新寧、外交部駐港特派員公署特派員崔建春、解放軍駐港部隊司令員彭京堂都有參加結業禮，佢哋向學生代表頒證書同合照，為夏令營畫上句號。
更多港聞
【Emily】何永賢率團訪深珠 考察住房建屋技術
【明報專訊】房屋局長何永賢噚日率領房署團隊，聯同房委會訪問團等共16名立法會議員去珠海及深圳訪問，為期兩日。訪問團首站到訪珠海廣東海龍建築科... 詳情相關新聞
