梁祖堯焗全體演員齊跳舞 葛民輝邵美君妖爆舞台
[2024.07.17] 發表
【明報專訊】梁祖堯、湯駿業、邵美君、葛民輝(阿葛)、岑珈其、何洛瑤(Sica)、鄧家杰(KaKit)與杜曦駿(Larry)8月演出風車草劇團《Di-Dar音樂劇場》，近日勤於綵排。身兼編劇的梁祖堯構思了一場全體演員跳舞戲分，笑說：「因為我冇時間做gym所以攬埋大家落水，但係冇瘦到。」他相信每個人都有「跳舞魂」，聲稱不懂跳舞的岑珈其也投入享受跳舞。
Sica骨頭多障礙
KaKit與Larry負責編舞，表示有團員沒有跳舞底子，但大家很享受跳每一步，二人安排難度稍高的動作給懂跳舞的人自我挑戰。Sica參加ViuTV《全民造星IV》時曾展「舞功」，表示今次要努力練舞，「有錯覺以為自己跳舞都唔差，點知編咗好多locking、wave、isolation，突破我對跳舞嘅認知，原來我啲骨頭係好多障礙」。
阿葛與邵美君也要跳舞，KaKit稱為前輩設計舞步未感壓力，「佢哋表演經驗超級豐富，畀少少框架、steps，然後佢哋自由發揮。阿葛會問我哋係咪想妖？定係型格character嘅動作畀阿君(邵美君)，然後就度啲妖嘅畀佢哋試，之後就做到好妖嘅嘢出嚟」。
改編歌挑戰禁忌
《Di-Dar音樂劇場》故事以殯儀業為主軸，梁祖堯說：「我哋會唱好多同殯儀有關嘅改編歌，啲歌完全係挑戰人類底線極限，因為啲歌詞係挑戰禁忌、道德底線，同埋好好笑，我第一次睇嘅時候，喺屋企笑咗出嚟。戲軌係講我哋唱呢啲歌，然後成為組合紅咗，好受歡迎，有好多fans，但啲fans都係孤魂野鬼。」他笑言在劇場世界可以盡情發揮，一圓成跳唱歌手夢想。
娛樂組
更多影視
倫敦睇溫網決賽 方力申三遇湯告魯斯「集郵」傾偈
【明報專訊】方力申（小方）日前到倫敦欣賞溫布頓男單決賽，在場內遇到國際巨星湯告魯斯（Tom Cruise），成功「集郵」。他在社交平台貼出跟... 詳情
【娛樂場】小塵埃新歌《煙消散了》 憂鬱中尋曙光
【明報專訊】Jonathan與Pollie組成的二人樂隊小塵埃（Lil' Ashes）今年推出第2首新歌《煙消散了》，Jonathan作曲，... 詳情
61歲尊尼狄普暗撻28歲俄模 秘密拍拖三年 戀情曝光即刪親密合照
【明報專訊】《魔盜王》尊尼狄普（Johnny Depp）與《水行俠》安柏赫特（Amber Heard）2017年離婚後，互相控告對方家暴和誹... 詳情
相關新聞
