【Emily】桃園律師公會訪港 話旅警升唔阻交流
[2024.07.12] 發表
【明報專訊】近年兩岸關係麻麻，但民間交流就繼續。台灣桃園律師公會理事會一行6人近日組團訪港，見咗香港律師會領導層，雙方又簽咗合作備忘錄。桃園律師公會理事長張百欣律師同Emily講，今次係公會首次組團來港，感受到香港朋友嘅熱情，期待喺桃園盡地主之誼，接待香港同行。
與律師會簽合作 唔算「非必要旅遊」
台灣當局早前提升內地同港澳旅遊警示至橙色「避免非必要旅行」。張百欣話舊年已經籌備嚟香港，而且簽合作備忘錄對兩個會都有重要意義，今次唔算「非必要旅遊」，所以照原定計劃嚟香港。
香港律師會喺社交網站話，雙方就兩地法律界概况及香港情况交流，會上都有「澄清對國家安全法例的誤解」。律師會會長湯文龍話期待同桃園律師公會合作，為青年律師及學生合辦課程同活動。
張百欣話今次交流主要焦點係兩地律師未來合作深化、訴訟外解決紛爭機制，以及青年法治教育推廣。佢話《國安法》同《基本法》並唔係雙方交流討論嘅重點，所以唔特別評論喇。
更多港聞
【Emily】紅磡社區客廳開幕 陳國基盼「劏房變睡房」
【明報專訊】政府早前宣布加開3個社區客廳，其中位於紅磡嘅一個噚日開幕，政務司長陳國基出席開幕禮後話，社區客廳嘅英文簡稱（CLR），正正代表其... 詳情
【明報專訊】文憑試下星期三（17號）放榜，今屆考生係通識科取消後，首屆應考公民與社會發展科，由於後者唔計分，令大學聯招計分方法同派位都受影響...
詳情
【Emily】突破書誌成本飈 下年4月最後一期
【明報專訊】基督教青年機構「突破」旗下，自2009年出版嘅《Breakazine突破書誌》噚日宣布，下年4月後停止出版，書誌網頁同社交平台噚... 詳情
【明報專訊】喺升中放榜日展現率真可愛反應、油蔴地天主教小學（海泓道）3個男生嘅受訪片段連日喺網上熱傳，商業機構都藉事件宣傳。香港航空噚日喺f...
詳情
相關新聞
