【Emily】突破書誌成本飈 下年4月最後一期
[2024.07.12] 發表
【明報專訊】基督教青年機構「突破」旗下，自2009年出版嘅《Breakazine突破書誌》噚日宣布，下年4月後停止出版，書誌網頁同社交平台噚日貼出聲明話，作為一本實體印刷嘅期刊，近年製作成本不斷飈升、加上讀者閱讀方式等外在環境轉變，導致經營困難，為咗更適切年輕人嘅需要，編輯團隊覺得需要空間再作部署，於是決定停刊。
突破書誌喺facebook專頁話，當初出版係為咗回應通識科及價值教育，關切青年及文化議題，至今出版咗15年。翻查突破機構嘅網頁，書誌係機構出版及媒體事工之一，強調求問嘅學習精神，定位為圖書與雜誌嘅混合體。
書誌話現時會繼續運作，不過會稍為調整出版時間，第78期今年底推出，最後嘅第79期會喺明年4月出版，內容會回顧創刊以來多年嘅事工。
更多港聞
【明報專訊】喺升中放榜日展現率真可愛反應、油蔴地天主教小學（海泓道）3個男生嘅受訪片段連日喺網上熱傳，商業機構都藉事件宣傳。香港航空噚日喺f...
詳情
相關新聞
