【Emily】升中三子火熱 油天校長為同學解畫
[2024.07.11] 發表
【明報專訊】前日升中派位放榜，油蔴地天主教小學(海泓道)3個小六生受訪片段喺網上熱傳，唔少人話小朋友有童真、好惹笑。校長陳淑儀(圖)噚日於電台解畫，話3名同學雖屬好友，但平時唔會特別傾讀書心得；當聞言好友陳同學星期一至五放學後即去補習時，旁邊嘅江同學「O嘴」，純粹係覺得陳同學好犀利，「哇，咁辛苦？」；另一好友許同學聽到陳同學受訪時打眼色只係提醒江同學，「人哋做緊訪問，唔好喐嚟喐去啦」。校長起初都擔心網上個別言論會影響學生心情，好彩3人事後都話「好OK、冇嘢喎」，希望網民留言時多顧慮小朋友感受。
稱校方無訓練點答
陳愷昊前日獲派第一志願華仁書院後受訪，被問到辛唔辛苦時話「辛苦就談不上」，覺得讀書係本分，背後兩個同學表情多多。陳校長對片段被熱傳感詫異，澄清校方無訓練同學要點回應傳媒問題。佢話現今教育同社會要求與過去唔同，以前較少課堂訓練說話技巧，𠵱家就會要學生講故事同匯報等，認為大眾唔使對陳同學嘅回應感到驚訝，「有啲小朋友講嘢，真係佢自己表達得到」。
其中一家長有情緒
校長籲網民顧慮小朋友感受
被問到同學仔私下性格係咪同鏡頭表現一樣時，校長話陳同學喺班中都係較成熟正經，亦真係短期內發憤圖強，由未達Band 1(第一成績組別)成績至獲佳績。至於江同學，校長就話佢係一名活潑、有朝氣同分析能力高嘅小朋友。對於網上個別評論，陳校長話令其中一個學生嘅家人忿忿不平，但身邊大多老師同朋友等都話3個同學都好可愛，籲網民留言時多顧慮小朋友感受。
更多港聞
【明報專訊】唔少人都鍾意「飲番杯」，不過按政府數據，前年香港人嘅人均飲酒量為2.29升，較2020年嘅2.45升下跌約6.5%，並引述世衛報...
詳情
【Emily】運動消閒博覽 體院邀市民砌打氣牆 撐港隊迎巴黎奧運
【明報專訊】香港書展、香港運動消閒博覽及零食世界3項展覽會於7月17至23日喺灣仔會展舉行，今年運動消閒博覽亦乘住巴黎奧運熱潮，展出包括港隊... 詳情
【明報專訊】私隱專員公署今年初參與「全球私隱執法機構網絡」嘅全球保障私隱抽查行動，喺1月29日至2月2日檢視全球逾1000個網站及應用程式（...
詳情
【Emily】民建聯倡一車多關 稱中央反應正面
【明報專訊】現時中港車牌私家車一般僅限使用指定口岸出入境，民建聯建議「一車多關」方案，容許司機按路程選用口岸，希望能盡快實施。全國人大常委李... 詳情
【Emily】英大選「最美好嘅事」 導盲犬有份開會
【明報專訊】英國國會噚日係大選後第一次開會，議會新面孔仲多咗隻狗仔，開會期間好好乖咁瞓喺地下，隨即成為網上同英國政界熱話。原來呢隻金毛尋回犬... 詳情相關新聞
