【Emily】英大選「最美好嘅事」 導盲犬有份開會
[2024.07.11] 發表
【明報專訊】英國國會噚日係大選後第一次開會，議會新面孔仲多咗隻狗仔，開會期間好好乖咁瞓喺地下，隨即成為網上同英國政界熱話。原來呢隻金毛尋回犬係失明嘅自由民主黨新議員Steve Darling嘅導盲犬Jennie，先前曾幫佢助選，Steve當選後就陪佢由選區坐火車到倫敦開會。自由民主黨72個國會議員影大合照，Jennie都有份㗎。
Jennie唔係國會第一隻導盲犬，但唔少人留言形容佢係「最受歡迎狗議員」或「呢次大選最美好嘅事」。英國首相府本身有貓仔Larry，見證唐寧街10號嘅人去留。有人喺社交網站X幫Jennie開帳戶，並向Larry「挑機」話期待見到Larry，相信佢哋會成為好朋友。
另外，英國工黨執政後隨即擴展人手，工黨網頁分別請議員助理、研究員、個案主任、傳訊主任等職位，以倫敦地區議助為例，年薪約2.44萬至3.5萬英鎊不等，稅前月薪約近3萬港元。
更多港聞
科大畢業生薪酬近年首跌 理大升5.2% 人力顧問：企業不減新人職位已很好
【明報專訊】各資助大學陸續公布上學年（2022/23）本科畢業生就業、薪酬情况。科技大學最新調查顯示，去年畢業生平均月薪26,772元，按年... 詳情
相關新聞
