【Emily】工聯慶回歸 睇戲學習鄧小平品質
[2024.07.01] 發表
【明報專訊】為慶祝香港回歸27周年、迎接中華人民共和國成立75年，工聯會與屬會舉辦百多項慶祝活動，話預計超過8萬人次參與。工聯會噚日喺工人俱樂部舉行電影欣賞會，觀賞第19屆中國電影華表獎「優秀故事片」嘅《鄧小平小道》。佢哋喺睇電影前都要先全場肅立，舉行奏唱國歌儀式。工聯會話，呢部電影係展現鄧小平與人民同甘共苦嘅崇高品質、為人民服務嘅初心，值得大家學習。
田北辰話元朗人多支持欖隧續收費
實政圓桌立法會議員田北辰就喺上周六於元朗大會堂舉辦慶祝回歸盆菜晚宴。田二少話，席間乘機做咗街坊民調，問元朗居民，就政府明年5月收回大欖隧道後應唔應該收費嘅意見。
大欖隧道係元朗人嘅交通命脈，佢話在席居民都好理性，只有小貓幾隻支持大欖免收費，絕大部分人都支持收費，但係應該要減費，認同要做到屯門公路同大欖隧道嘅行車量1：1，令交通可以有效分流。
更多港聞
【明報專訊】聯合國人權理事會將開會討論有關中國人權狀况審議報告，政府噚日公布，政務司長陳國基今日七一凌晨出發去瑞士日內瓦，以中國代表團副團長...
詳情
相關新聞
