【Emily】「濟公」濟濟一堂破紀錄
[2024.06.24] 發表
【明報專訊】尖沙嘴噚日出現咗700幾名「濟公」，究竟所為何事？原來香港東井圓佛會、道教通善壇、東華三院噚日舉辦「弘揚中華文化及傳承濟公精神—樂頌世界和平大典」，有逾730名嚟自學校、地區組織、宗教團體人士，喺活動上一齊著上具8項指定配件嘅濟公服飾，即場獲健力士官方機構代表確認及頒贈證書，打破咗2019年339人同時著濟公服嘅紀錄。
主辦方話，東井圓佛會早前到濟公故居浙江天台考證，得到當地故居負責人確認8款濟公服配件嘅標準規格，包括濟公帽、衫褲、葫蘆、布腰帶、佛珠、扇、布鞋、袋。該佛會會長暨美燕話，刷新健力士紀錄意義重大，代表濟公文化嘅認受性得到進一步提升。
主辦方又話，濟公傳說喺2006年被列為首批國家級非物質文化遺產代表性項目名錄，而濟公信俗喺香港嘅足迹都有近百年歷史，見證住早期社會發展。
更多港聞
【Emily】葉劉溫提老友記 運動以外勿忘訓練膝頭
【明報專訊】近日雖有驟雨，但都有晴朗時間，唔少人把握機會到戶外活動，新民黨主席葉劉淑儀亦唔例外。葉太喺facebook分享上周末做健身運動，... 詳情
【Emily】路政署長與劉國勳落邨探望 義工隊幫長者裝廁所扶手
【明報專訊】長者容易發生家居意外，民建聯立法會議員劉國勳噚日就約埋路政署長邱國鼎，到上水彩園邨探望獨居長者及雙老家庭。佢哋並跟義工隊為一眾長... 詳情
曾離家出走 教師收留資助補習 逃學過來人 立志為師助迷途生
【明報專訊】自幼在單親家庭長大的錢曉其，初中經常逃學，一周缺課兩三天，至中五得恩師出錢出力拉一把，惟仍無緣升讀大學。曉其自覺愧對師長栽培，選... 詳情
相關新聞
