【Emily】恒地甲廈藝術品 同胞助宣傳
[2024.06.21] 發表
【明報專訊】恒基地產喺中環嘅甲級寫字樓The Henderson最近開幕，已經有租客陸續進駐，大樓內備受注目嘅藝術品——由當代藝術家Jeff Koons用不鏽鋼造、個樣好似蛇仔氣球嘅雕塑作品《氣球天鵝(紅色)》，已經擺咗喺3樓大堂，原來佢重逾3噸。恒基地產話，呢排有好多內地遊客嚟打卡，上小紅書搜尋，會見到同胞幫手宣傳咁話。
呢件「天鵝」估價過億元，而大樓內其他裝置都唔便宜，3樓大堂牆面有從美國加州訂製嘅鋁板，因為要符合曲面設計，用咗兩萬幾塊菱形先砌得埋。拍賣行佳士得租咗4層做新亞太總部，而頂樓嘅玻璃宴會廳，9月會畀佢哋「飲頭啖湯」用嚟做秋季拍賣場地，以後收藏家唔使一定要過會展。大樓內設公眾區域，如果喺香港公園散步太悶，可以去佢低層園林公園行吓，到樓上藝廊睇吓又得。
更多港聞
【Emily】廠商會90周年 下年辦新能源車展
【明報專訊】廠商會今年創會90周年，其最為人熟悉嘅活動應該係一年一度嘅工展會，近年又去澳門舉辦，廠商會話展覽服務一向係該會強項之一，下年5月... 詳情
八大學費3年加17.6% 教局稱溫和 2027/28起49,500「未擬再加」 張仁良倡個別學科增費
【明報專訊】為應對通脹，政府昨宣布已凍費27年的資助大學學費將加價。2025/26學年起，資助學士學費連續3學年增加，加幅介乎5.3%至5.... 詳情
相關新聞
