【Emily】何伯無公屋戶籍 房署查何太單位
[2024.05.11] 發表
【明報專訊】無綫節目《東張西望》近期播放76歲何伯娶46歲內地背景女子，涉及錢銀轇轕及子女紛爭，更提及何伯戶口曾有450萬元積蓄，並寄住新婚妻子嘅公屋單位；亦有消息話何伯同佢個仔亦有公屋單位，事件連日引起社會各界關注。據Emily噚日了解，房署初步確定何伯並非擁有戶籍身分嘅公屋住戶，現時係鎖定調查何太單位住戶資料，包括係咪有人違反富戶政策或申報規定。
房署前日深夜回應本報查詢，話有關個案經廣泛報道，署方已透過唔同途徑收集情報，初步掌握有關公屋單位資料，正跟進調查。基於涉及個人資料及私隱，未能透露個案詳情。
另外，有網民亦為何伯夫婦成立facebook關注群組，截至噚晚有2.9萬成員，有人發帖話何太既然係現金出糧，即係或者無任何入息證明資料，有可能方便佢去申請綜援，叫社署都可以調查下。
更多港聞
【明報專訊】運輸署年初喺沙田沙角街與逸泰街交界試行「對角行人過路處」，近日向立法會提交文件，報告計劃嘅進度。署方喺啟用前及開始試用後，詳細觀...
詳情
【Emily】歷屆最大 寵物用品展帶「主子」試玩試食
【明報專訊】「優質寵物用品展2024」噚日起一連3日喺灣仔會展舉行，今屆有超過350個展位，比舊年多近四成，有日本、韓國、新加坡寵物品牌更係... 詳情相關新聞
