【Emily】復活節金多寶3800萬 「好意頭」冧把旺
[2024.03.29] 發表
【明報專訊】今日復活節長假期展開，聽晚9點半舉行六合彩復活節金多寶攪珠，呢期將有3000萬元金多寶，若果10元一注獨中，頭獎基金有機會高達3800萬元。呢項金多寶可謂係眾多金多寶攪珠中最「奀」派彩，之前新春金多寶攪珠都以過億元頭獎派彩吸引市民買彩票。
雖然今次頭獎派彩相對新春金多寶少咗一大截，但原來復活節金多寶幾旺好意頭號碼，最近15次復活節金多寶中，諧音「易易」嘅22號攪出過6次，次數最多；其次係「易發」嘅28號，都攪出咗5次。另外，馬會資料顯示，最近5次金多寶攪珠中有4位幸運兒以複式投注中頭獎，分別買7、8、10同12個號碼嘅複式中頭獎，但其中3注只係中半注頭獎。
更多港聞
【Emily】載青年活動政府工資訊 民青局青年App面世
【明報專訊】政府前年公布《青年發展藍圖》，當中提出設立以青年為本嘅手機應用程式。民青局噚日正式推出名為「HKYouth+」（圖）嘅應用程式，... 詳情相關新聞
