個人騷尾場賣大包 陳健安除衫拋帽送觀眾
[2024.03.06] 發表
【明報專訊】組合C AllStar成員陳健安(安仔)一連4場假麥花臣場館舉行的《Live afteR Life 陳健安2024演唱會》，周日(3日)圓滿結束，安仔媽咪坐第一行看足全場，感動到又喊又笑，還跟觀眾一同站起來揮手跳舞。完場時，觀眾不肯散場大叫安歌，安仔再上台向觀眾席拋紀念冷帽，Lolly Talk成員黃詠霖(阿蛋)接到，興奮立即戴上。觀眾大叫「除衫」，安仔扮聽不到，連唱3首歌後，突然除去身上演唱會T恤拋往台側觀眾席，全場尖叫起哄。
安仔完騷後表示開心又感動，首次一個人唱4場騷，之前有點擔心，完成後好滿足。他透露母親看了兩場，「開場第二首歌《愛的一種練習》，每次唱都會搵吓媽媽。之前我開新碟發布會專登唔唱呢首歌，留返演唱會唱畀佢聽。第一場完騷後，佢同我講聽到喊，我話我喺台上睇到」。
提到表演嘉賓之一女歌手廖穎琛大讚安媽悉心打扮，安仔大爆：「媽媽專登化妝set頭，佢平時唔化妝，但每次捧我場，例如之前頒獎禮，佢就會化妝扮靚，隆重其事，代表好支持我。」完成4場騷後，安仔最想食火鍋和飲凍檸茶，「食肥牛、炸響鈴，仲要有鹹蛋黃嗰款，唔邪惡唔食」。
娛樂組
更多影視
【娛樂場】《填詞L》導演黃綺琳自身故事改編 演員兼填詞人鍾雪瑩女一不二之選
【明報專訊】憑《金都》奪第39屆香港電影金像獎新晉導演的黃綺琳，執導新片《填詞L》是香港電影史上首部關於粵語歌詞的作品，由鍾雪瑩主演，葛民輝... 詳情
月付前妻姬蒂25萬養女兒 傳下月終止 湯告魯斯被指願畀大學學費
【明報專訊】《職業特工隊》男星湯告魯斯（Tom Cruise）2012年與第三任太太兼《蝙蝠俠俠影之謎》女星姬蒂荷瑪絲（Katie Holm... 詳情
相關新聞
