【Emily】履新體育專員 黃德森盼先適應
[2023.08.23] 發表
【明報專訊】退役滑浪風帆運動員黃德森噚日履新就任體育專員，佢喺政府總部見記者時表示，會以平常心擔任新崗位，提到過去已服務體育界一段時間，期望經驗可以幫助佢應付專員一職嘅挑戰。被問到首要工作，佢就話噚日第一日返工，希望先適應。
黃德森上任體育專員，負責制訂體育政策及相關措施。香港將舉行多項大型體育盛事及運動會，啟德體育園亦落成在即，被問到首要上任後工作，佢就話「畀啲時間我適應咗先，遲啲有機會可以詳細再講」。
58歲嘅黃德森曾代表港隊出戰多項滑浪風帆賽事，2000年轉任港隊教練，去年擔任中國香港乒乓總會行政總監。其妻子係香港首位奧運金牌得主、「風之后」李麗珊。
更多港聞
【Emily】霍啟剛、查毅超、紀文鳳等 浸大頒7榮譽院士
【明報專訊】浸大噚日公布頒授榮譽大學院士予7人，包括港協暨奧委會副會長兼立法會體演文出界議員霍啟剛、香港科技園主席查毅超、香港明天更好基金首... 詳情
【Emily】赴長江大廈求見李嘉誠不果 雙程證漢槌毁牆上「中心」
【明報專訊】噚日早上11點幾，一名男子喺中環長江集團中心地下停車場，涉以槌仔毁壞牆上「長江集團中心」嘅凸字，「中」字移位、「心」字就無咗一點... 詳情相關新聞
