【Emily】麥花臣招聘會助少數族裔搵工
[2023.08.23] 發表
【明報專訊】勞工處同民建聯少數族裔服務中心噚日及今日喺旺角麥花臣場館舉行「共創多元文化工作間招聘會」，約50間機構參與，提供約4300個空缺，包括工程師、廚師、咖啡師等，希望促進求職者包括少數族裔嘅就業機會，可以即場遞交申請同面試，首日有1219人入場。Emily見唔少攤位都有非華裔職員當值，現場設有印度語、尼泊爾語等即時傳譯服務，幫少數族裔同僱主溝通。
喺香港工作超過20年、孟加拉裔嘅Niaz話，近年公司因新冠疫情生意轉差，失業約一年，想搵份全職工作，即場交咗5份申請表，希望有回應。佢話過去14年喺香港從商，習慣全英文工作環境，只識少少中文，失業後就發覺搵工好難。
懲教署話空缺率高 「請得幾多得幾多」
懲教署同警務處都有攤位介紹工作機會同投考資格，懲教署懲教主任(人力資源組)黃華威話，當本地同外籍在囚者發生衝突，非華裔人員可以做溝通橋樑，部門現有56名非華裔職員，又話整體空缺率高，「請得幾多得幾多」。
更多港聞
【Emily】霍啟剛、查毅超、紀文鳳等 浸大頒7榮譽院士
【明報專訊】浸大噚日公布頒授榮譽大學院士予7人，包括港協暨奧委會副會長兼立法會體演文出界議員霍啟剛、香港科技園主席查毅超、香港明天更好基金首... 詳情
【Emily】赴長江大廈求見李嘉誠不果 雙程證漢槌毁牆上「中心」
【明報專訊】噚日早上11點幾，一名男子喺中環長江集團中心地下停車場，涉以槌仔毁壞牆上「長江集團中心」嘅凸字，「中」字移位、「心」字就無咗一點... 詳情相關新聞
